Një studim i ri, që pretendohet të jetë publikuar në Journal of Sexual Medicine, ka shpërthyer si bombë në rrjet. Sipas të dhënave, rreth 20% e burrave identifikohen fshehurazi si gay apo biseksualë, megjithëse në publik shfaqen si heteroseksualë.
Shifra duket befasuese, por sipas studiuesve, ajo buron nga kombinimi i pyetësorëve anonimë dhe testimeve biometrike, të cilat zbulojnë tërheqje që nuk shprehen hapur.
Arsyet? Sipas hulumtuesve, stigmat sociale, frika nga paragjykimi dhe presioni i brendshëm bëjnë që shumë burra të zgjedhin të jetojnë një jetë me identitet të fshehur, veçanërisht në vende apo komunitete konservatore ku të qenurit hapur mund të sjellë pasoja.
Studimi ka shkaktuar reagime të ndryshme online.
Disa kërkojnë më shumë mbështetje dhe mirëkuptim për ata që jetojnë “në dollap”, ndërsa të tjerë vënë në pikëpyetje metodologjinë dhe saktësinë e rezultateve.
Edhe pse artikulli origjinal shkencor nuk është i qasshëm për publikun e gjerë, një gjë është e qartë: diskutimi mbi seksualitetin, presionin shoqëror dhe të vërtetën e heshtur që shumë mbajnë brenda, po rifiton vëmendjen që i takon. /Prive By Liberta Spahiu.
