Krenaria e ndërtimit kosovar po merr formë. “Marigona Sun”, projekti më ambicioz i dekadës, është tashmë në zhvillim të plotë dhe po shihet si një standard i ri i jetesës moderne në vend.
Prive by Liberta Spahiu vizitoi nga afër kantierin ku po ngrihet ky kompleks elitar dhe realizoi një intervistë ekskluzive me drejtoreshën Eneida Saliuka Makolli, e cila ndau 10 gjërat që duhet t’i dini për këtë superprojekt që do të bëhet sinonim i luksit dhe mirëqenies.
Lagjja “Marigona Sun” nuk është vetëm një ansambël rezidencial, por një koncept jetese që ndërthur elegancën urbane me privatësinë dhe natyrën. E pozicionuar mbi një nga pikat më të larta të Prishtinës – në 801 metra mbi nivelin e detit – ajo ofron pamje mahnitëse dhe ajër të pastër, shumë pranë Gërmisë dhe liqenit të Badovcit.
Ky kompleks është dizajnuar me 7 tipologji shtëpish që shtrihen nga 318m² deri në 870m², të gjitha me ndriçim natyror, tarraca panoramike dhe opsione si pishina private, dhoma të dedikuara për punë nga shtëpia dhe hapësira relaksi. Ndërtimi bëhet në harmoni të plotë me natyrën përreth, me një rrjet rrugor të studiuar 13 herë për të ofruar qarkullim optimal, pa zhurmë dhe pa ndotje.
“Marigona Sun” është një lagje e mbyllur me siguri të nivelit të lartë, qasje të kontrolluar dhe një komunitet të përzgjedhur prej njerëzish të suksesshëm që zgjedhin të jetojnë në një ambient me vlera të përbashkëta. Banorët do të kenë në dispozicion një sërë shërbimesh ekskluzive, si spa, pishinë, qendër fitnesi dhe fushë sportive, duke e kthyer jetën në një përvojë të plotë mirëqenieje.
Dorëzimi i shtëpive nis në vitin 2027, ndërsa çdo detaj po ndërtohet me përkushtim të veçantë për të lënë një trashëgimi që i shërben jo vetëm pronarëve, por edhe standardeve të arkitekturës moderne në Kosovë.
Marigona Sun nuk është thjesht një vend ku ndërtohet – është një vizion që po merr jetë.
