Stresi dhe ish-bashkëshortja e tij, Keisi, kanë tërhequr sërish vëmendjen e publikut me postimet e tyre në Ditën e Shën Valentinit.
Keisi ndau një foto në rrjetet sociale ku shkruante “së shpejti” dhe i bëri tag edhe Stresit. Ky i fundit e ripostoi menjëherë, duke shtuar më shumë mister rreth asaj që mund të ndodhë mes tyre.
Zhvillimi vjen pak ditë pasi Prive i kapi mat rrugëve të Tiranës.
Edhe pse nuk ka asnjë deklaratë zyrtare, ky shkëmbim postimesh ka shkaktuar shumë aludime në rrjet. Disa mendojnë se bëhet fjalë për një projekt të ri muzikor, ndërsa të tjerë besojnë se mund të ketë një afrim sentimental mes tyre.
Historia e Stresit dhe Keisit ka qenë shpesh në qendër të vëmendjes për shkak të ulje-ngritjeve të saj. Edhe pas ndarjes, ata kanë ruajtur një marrëdhënie që herë pas here ka rikthyer dyshimet për një ribashkim të mundshëm.
Ndërkohë, dje, Stresi ka publikuar këngën e tij më të re, “T’kam inat”, e cila ka ngjallur interes të madh tek publiku. Pavarësisht titullit, një gjë është e qartë: Stresi nuk ka inat Keisin! /Prive
