Tashmë është zyrtare!
Përgatituni për një eksperiencë unike këtë verë në Unum Festival, sepse skenën do ta pushtojë Black Coffee – një nga DJ-të më të suksesshëm dhe me ndikim në botë.
I lindur në Afrikën e Jugut, Black Coffee ka ndërtuar një karrierë të jashtëzakonshme duke sjellë ritme të thella house me elementë afrikane që i japin shpirt çdo performance. Ai është fitues i çmimit Grammy për Best Dance/Electronic Album, dhe ka bashkëpunuar me emra si Drake, David Guetta, Alicia Keys, dhe Usher – një tregues i nivelit të tij global.
Me setet e tij hipnotizuese në festivale si Coachella, Tomorrowland, dhe Hï Ibiza, Black Coffee nuk është thjesht një DJ – ai është një udhëtim muzikor që nuk harrohet. Tani, ai vjen për herë të parë në bregdetin shqiptar për të elektrizuar publikun e Unum Festival.
Black Coffee ka qenë më parë në trojet shqiptare, saktësisht në verën e vitit 2024 ku performoi në një nga netët më të paharrueshme të Sunny Hill Festival në Prishtinë. Set-i i tij elektrizoi mijëra njerëz dhe u konsiderua një nga momentet kulmore të festivalit, duke sjellë atmosferën unike të Ibiza-s dhe energjinë karakteristike të ritmeve afrikane në zemër të Kosovës.
Pas suksesit të jashtëzakonshëm në Prishtinë, vjen për herë të parë në Shqipëri – për të sjellë të njëjtën magji në bregun e mrekullueshëm të Unum Festival. Ky është një kapitull i ri për publikun shqiptar që e ka ndjekur dhe dashur muzikën e tij – këtë herë, me detin përpara dhe qiellin mbi kokë.
Mos e humb mundësinë të përjetosh magjinë e një artisti që ka vendosur Afrikën dhe botën në të njëjtin beat.
