Një ngjarje e shumë viteve më parë, që thuajse ishte fshirë nga kujtesa kolektive, është rikthyer me bujë në Big Brother VIP. Kelly, një prej banorëve, ka risjellë në vëmendje një incident të ndodhur në formatin VIP Shpija, ku ka përmendur emrin e Rozana Radit, duke lënë të nënkuptohet se ajo ka ushtruar dhunë ndaj një konkurrenteje tjetër.
View this post on Instagram
Sipas versionit të tij, Rozana Radi thuhet se ka tërhequr për flokësh një vajzë brenda formatit – një deklaratë që ngriti jo pak vetulla dhe zgjoi kureshtjen e publikut.
Por a është kjo e vërteta?
Në fakt, duket se Kelly ose ka bërë një përzierje të rëndë faktesh, ose po tenton të krijojë zhurmë aty ku s’ka. Ai i referohet sherrit të famshëm mes Big Mamës dhe Rezarta Shkurtës, një përplasje e ashpër verbale ku ka qenë e pranishme edhe Rozana Radi – por pa asnjë akt dhune fizike.
Për të vënë pikat mbi “i”, ka ardhur dhe reagimi i menjëhershëm i Big Mamës, e cila nuk ka nguruar të thotë të vërtetën ashtu siç është. Përmes një postimi në InstaStory, ajo është shprehur prerazi:
“Konfirmoj me plot bindje Rozana Radi. Sherrin e bëra unë, jo ti, por për flokësh s’u kap njeri.”
Me pak fjalë: drama po, dhunë jo!
Mesa duket, edhe kujtimet e banorëve kanë nevojë për një refresh. Por një gjë është e sigurt: me emrat e mëdhenj të skenës që përfshihen, edhe debatet e së kaluarës marrin jetë të re në BBVIP. /Prive by Liberta Spahiu
