Prej kohësh, çdo lëvizje e Arbana Osmanit në rrjete sociale ka krijuar jehonë në media – dhe këtë herë nuk bëri përjashtim. Një postim i saji pak ditë më parë, ku ajo shfaqej duke kërkuar fustane për një “rikthim në televizion”, u interpretua menjëherë si paralajmërim për një projekt të ri televiziv.
Me mbi dy vite larg ekranit, që pas Big Brother VIP 2, çdo sinjal nga ana e saj përbën lajm.
Menjëherë pas këtij postimi, Arbana, sipas burimeve të Prive By Liberta Spahiu duke hyrë në ambientet e TV Klan, çka i dha edhe më shumë zjarr spekulimeve. Disa e quajtën rikthimin të kryer, duke aluduar për një marrëveshje të re në horizont.
Por burime për Prive by Liberta Spahiu tregojnë një version ndryshe.
Në fakt, prezantuesja do të shfaqet këtë të premte si e ftuara speciale e Alketa Vejsiut në natën finale të X Factor Albania. Ky moment vjen si një formë ‘shkëmbimi’ miqësor, pas pjesëmarrjes së Alketës disa muaj më parë në programin e Arbanës, “Mirëmbrëma yje”. D
y figurat ikonike të ekranit, që karrierën e kanë nisur mbi dy dekada më parë në Top Albania Radio, duket se po i forcojnë raportet edhe publikisht.
Kjo do të jetë hera e parë që Arbana shfaqet në ekranin e TV Klan, duke ngritur pyetjen: është kjo një dalje e vetme për të nderuar një kolege, apo preludi i një bashkëpunimi të ri televiziv?
Nëse është vetëm një kapitull i izoluar apo hyrja në një faqe të re në karrierën e saj – kjo mbetet për t’u parë. Por një gjë është e sigurt: Arbana di gjithmonë si të mbajë vëmendjen. /Prive By Liberta Spahiu
