Një video që po qarkullon me shpejtësi në rrjetet sociale ka ndezur rrjetin dhe ka ngritur pikëpyetje të mëdha mbi marrëdhënien mes dy konkurrentëve të “Ferma VIP”, Alba Pollozhani dhe Lim Hoti.
Në pamjet që po bëjnë xhiron e internetit, dyshja shfaqen të shtrirë në të njëjtin krevat, të mbuluar me jorgan, ndërsa lëvizjet e shpeshta dhe të dyshimta kanë mjaftuar për të ndezur aludimet se mes tyre mund të ketë ndodhur diçka më shumë se një përqafim miqësor.
Edhe pse videoja nuk përmban audio, mimikat dhe dinamika e trupave të tyre flet më shumë se fjalët. Spekulimet për një marrëdhënie intime mes tyre janë përhapur si flakë, duke e kthyer këtë moment në një nga temat më të nxehta të edicionit të këtij viti.
Që në ditët e para të spektaklit, Alba nuk e ka fshehur pëlqimin për Limin. Ajo ka kërkuar shpesh vëmendjen e tij dhe nuk ka ngurruar të ndajë ndjesitë e saj edhe me fermerët e tjerë. Por, mesa duket, simpatia ka kaluar në një tjetër nivel – dhe kjo pa shumë hezitim.
A është kjo thjesht një afeksion i çastit apo nisja e një romance të vërtetë televizive? Një gjë është e sigurt: kamerat nuk falin, dhe publiku… mezi pret të shohë vazhdimin.
