Pas më shumë se tre muajsh brenda shtëpisë më të famshme në vend, Egli u rendit e katërta në finalen e “Big Brother VIP”, duke fituar zemrat e publikut me autenticitetin dhe energjinë e saj pozitive.
Në një postim emocionues në Instagram, Egli ndau fjalët e saj të para pas daljes nga gara:
“Çdo fund, është një fillim i ri! Me përfundimin e kësaj eksperience, kam kuptuar se i kam shtuar librit të jetës sime një kapitull të cilin s’do e harroj kurrë!”
Ajo nuk harroi të falënderojë publikun për mbështetjen e jashtëzakonshme, duke shkruar:
“Faleminderit nga zemra publiku im për gjithë dashurinë & mbështetjen e pakushtëzuar që ma keni dhënë, e vazhdoni ma jepni çdo sekondë. Jeni bekim e ju dua shumë secilin prej jush!”
Me fjalët “Ëndrra vazhdon…”, Egli la të kuptohet se ky është vetëm fillimi i një kapitulli të ri në jetën dhe karrierën e saj. Ajo premton të qëndrojë afër publikut që e ka përkrahur gjatë gjithë rrugëtimit të saj në reality show. /Prive By Liberta Spahiu
