Një nga ngjarjet më të mëdha të muzikës elektronike në rajon, Unum Festival, rikthehet në bregdetin e mrekullueshëm të Shëngjinit nga 5 deri më 10 qershor 2025.
View this post on Instagram
Edicioni i këtij viti premton të jetë edhe më spektakolar, me një listë artistësh ndërkombëtarë që do ndezin atmosferën në plazhet shqiptare.
Disa nga emrat më të njohur që do performojnë në këtë edicion janë:
Black Coffee – DJ dhe producenti i famshëm nga Afrika e Jugut, i njohur për stilin e tij unik që ndërthur ritmet afro-house me elektronikën moderne.
Seth Troxler – një figurë ikonë në skenën globale të muzikës techno dhe house, i njohur për energjinë dhe performancat e tij spontane.
Damian Lazarus – mjeshtri i muzikës eksperimentale elektronike dhe themeluesi i label-it të njohur “Crosstown Rebels”.
Përveç tyre, festivali do sjellë edhe shumë artistë të tjerë të njohur ndërkombëtarë dhe vendas, duke e bërë këtë një nga eventet më të pritura të verës në Shqipëri.
Unum Festival është bërë sinonim i një përvoje unike që kombinon muzikën, natyrën, detin dhe një atmosferë të lirë që tërheq vizitorë nga mbarë bota.
I vendosur mes, plazhit festivali ofron skena të shumta dhe festa të pandërprera për pesë ditë dhe netë magjike. /Prive By Liberta Spahiu
View this post on Instagram
