Pas nëntë vitesh, në krye të drejtimit kreativ të Dior për koleksionet e grave, Maria Grazia Chiuri largohet nga shtëpia luksoze franceze.
Koleksioni Resort 2026, i prezantuar të martën, ishte shfaqja e saj e fundit për Dior-in.
Chiuri bëri histori në vitin 2016, kur u bë gruaja e parë që mori këtë rol të Dior.
Gjatë karrierës së saj, ajo solli një vizion të fuqishëm feminist dhe një qasje të angazhuar ndaj artit dhe kulturës, duke e transformuar markën në një simbol të fuqizimit të grave në botën e modës.
Nën drejtimin e saj, Dior përjetoi një sukses të qëndrueshëm si në aspektin krijues, ashtu edhe në atë komercial.
Largimi i saj shënon fundin e një epoke për markën, ndërsa publiku dhe industria e modës presin me interes njoftimin për pasardhësin e saj. /Prive By Liberta Spahiu
