Këngëtari i njohur estonez Tommy Cash, i cili përfaqësoi Estoninë në Eurovision 2025 me këngën energjike “Espresso Macchiato”, do të vijë për herë të parë në Kosovë për të performuar në festivalin e njohur Hardh Fest në Rahovec.
Performanca e tij është planifikuar të mbahet më 7 shtator 2025, duke shënuar një nga momentet kulmore të këtij festivali tradicional që çdo vit mbledh mijëra vizitorë për të festuar fillimin e sezonit të vjeljes së rrushit dhe për të promovuar kulturën e verës dhe mikpritjen rahoveciane.
Tommy Cash, i njohur për stilin e tij unik dhe performancat shpërthyese, pritet të sjellë një atmosferë elektrizuese në skenën e Hardh Fest-it, duke i dhënë festivalit një dimension ndërkombëtar edhe më të theksuar.
Kjo do të jetë hera e parë që artisti estonez viziton Kosovën, dhe fansat e tij në vend dhe rajon kanë tashmë mundësinë të përjetojnë një performancë live nga një prej emrave më të veçantë të skenës evropiane. /Prive By Liberta Spahiu
