Sara Gjordeni, partnerja e këngëtarit të njohur Bardhi, ka qenë pas mendjes kreative të videoklipit të ri të tij, “Falma”, që është publikuar sonte.
Në një postim emocionues në Instagram, Sara ka zbuluar se ka qenë ajo që ka konceptuar në detaje këtë projekt vizual, që për të ka qenë “gjëja më kreativisht përmbushëse deri më tani”.
“Visuals kanë qenë përherë ‘my thing’, por u desh të besonte dikush si Bardhi tek unë për ta kthyer këtë talent në diçka konkrete”, shkruan ajo, duke theksuar momentin e zhytjes në ujë si skena më të rëndësishme dhe simbolike të klipit.
Sipas saj, ky moment nuk përfaqëson vdekjen fizike, por atë shpirtërore fundin e një historie dashurie, ndarjen, dhimbjen dhe humbjen e një lidhjeje të thellë.
“Kënga është një himn kërkim-faljeje për këdo që pranon se ndarja ka ardhur si pasojë e naivitetit apo tundimeve të jashtme”, shkruan Sara.
Videoklipi i “Falma” vjen si një bashkëpunim i veçantë artistik mes çiftit, duke sjellë një rrëfim emocional të ndërtuar me shumë kujdes vizual dhe simbolik.
Kënga tashmë gjendet në platformat online të artistit. /Prive By Liberta Spahiu
