Bryan Johnson po merr pjesë në një program të gjatë dhe intensiv mjekësor eksperimental me shpresën për të ‘kthyer pas procesin e plakjes’, dhe mund të thuhet me siguri se deri tani ka qenë një sukses i madh.
Qoftë duke ndjekur një dietë strikte apo duke përdorur gjakun e djalit të tij, Johnson po bën gjithçka që është e mundur për të mbetur sa më i ri.
Edhe pse është në fund të të dyzetave, ai ka deklaruar më parë se eksperimenti i tij i çmendur i ka sjellë ‘zemrën e një 37-vjeçari’ dhe ‘kapacitetin e mushkërive të një 18-vjeçari’.
Së fundmi, Johnson nisi një cikël prej 90 ditësh me terapi hiperbarike me oksigjen, një trajtim mjekësor ku pacienti thith oksigjen të pastër në një dhomë me presion të lartë ajri, duke i mundësuar trupit të thithë ndjeshëm më shumë oksigjen.
Kjo sasi shtesë oksigjeni mund të jetë e dobishme në trajtimin e një sërë problemesh shëndetësore, përfshirë plagë, infeksione dhe shumë sëmundje të tjera që lidhen me ato zona të trupit.
Johnson përfundoi 60 seanca në një periudhë 90-ditore, ku secila zgjati 90 minuta.
Në një video të ngarkuar në kanalin e tij në YouTube, Johnson zbuloi se pa një rritje prej 300% të enëve të gjakut dhe një rritje prej 1000% të bakterit akkermansia, i cili lidhet me përmirësimin e shëndetit të zorrëve dhe metabolizmit.
Një tregues për rrezikun e zhvillimit të Alzheimerit gjithashtu ra me 28% si rezultat i përdorimit të terapisë me oksigjen në këto tre muaj.
Procedura gjithashtu “transformoi” lëkurën e Johnson në gjithë trupin e tij, ndërkohë që dëmtimet nga rrezet UV në lëkurë u përmirësuan me rreth 10%.
Telomerët – që gjenden në fund të kromozomeve dhe tregojnë moshën biologjike dhe gjendjen shëndetësore – u matën gjithashtu gjatë eksperimentit.
Johnson rezultoi se kishte telomerë të një 10-vjeçari, gjë që tregon ndikimin e jashtëzakonshëm që ka pasur kjo terapi në përpjekjen e tij për të ‘jetuar përgjithmonë’.
Disa prej gjërave të çmendura që Johnson ka bërë për të qëndruar i ri i kanë sjellë edhe shumë kritika në internet – përfshirë edhe ndarjen e të dhënave intime mbi veten dhe djalin e tij, përfshirë të dhënat e ereksionit.
Të dhënat përfshinin efikasitetin e gjumit, cilësinë mesatare të ereksionit, numrin e episodeve dhe kohëzgjatjen totale.
Johnson arriti një cilësi mesatare të ereksionit prej 94, ndërsa djali i tij Talmage rezultoi me 90.
Biohackeri gjithashtu kishte efikasitet më të mirë të gjumit, megjithëse një episod më pak ereksioni krahasuar me djalin e tij.
