Rreth dy javë më parë, ikona Armend Rexhepagiq përmes një fotografie krah Aidës dhe kompozitorit Darko Dimitrov dha lajmin e ri të shumëpritur.
Ai po rikthehet me album të cilin e ka titulluar “Dashni e vjetër” i cili përmbyllet me rastin e 20 vjetorit të bashkëpunimit të dyshes me Darko Dimitrov.
Ky projekt, ka më në fund një datë publikimi! “Dashni e vjetër” del nesër në Youtube me fillim nga ora 18:00.
Paraprakisht, ai sonte ngjitet në skenë nën patronazhin e Presidentes Osmani në një gala koncert në nderim të krijimtarisë së njërit prej emrave tmë të shquar të muzikës së lehtë, kompozitorit Musa Piperku.
Krahas Rexhepagiq dhe sopranos Inva Mula, në skenë do ngjiten emra si Genc Salihu, Eneda Tarifa, Jehona Sopi, MC Kresha, Fifi, Shpat Deda, Zanat dhe kori i fëmijëve “Okarina” nën dirigjimin e Edon Ramadanit dhe me shoqërimin e Orkestrës “Libertas”.
