Një moment befasues ndodhi para stadiumit “Air Albania” në Tiranë, përpara ndeshjes mes Shqipërisë dhe Serbisë, që përfundoi në barazim pa gola. Gjatë një lidhjeje të drejtpërdrejtë nga televizioni Al Jazeera, një qytetar shqiptar i afrohet gazetarit serb Milan Bošković dhe i jep një puthje në faqe, në një akt të papritur dashamirësie që po bën xhiron e rrjeteve sociale.
Videon e këtij momenti e ka publikuar gazetari dhe opinionisti Bled Mane, i cili e shoqëroi me një mesazh të fuqishëm: “Jo po shqiptarët na urrejnë, jo po shqiptarët janë gjakatarë… dhe ja ku është shqiptari i vërtetë që puth gazetarin serb gjatë transmetimit direkt.”
View this post on Instagram
Ky gjest i tij është kritikuar nga shumë përdorues në rrjete sociale, por edhe është përshëndetur nga shumë ndjekës si një mesazh paqeje dhe përtej ndasive historike e politike mes dy popujve. Edhe pse ndeshja përfundoi 0-0, momenti i përqafimit dhe puthjes u pa si “fitore e njerëzores dhe e respektit”.
Si e komentoni ju? /Prive By Liberta Spahiu
