Albina Kelmendi, një nga zërat më të fuqishëm të skenës shqiptare, ka ‘surprizuar’ publikun me projektin e saj më të ri muzikor, të titulluar “Të dua”.
Kjo këngë, që i dedikohet dashurisë së pastër dhe të përjetshme, ka prekur zemrat e mijëra dëgjuesve që në ditët e para të publikimit.
Muzika është realizuar nga vetë Albina, duke sjellë një ndjeshmëri të veçantë, ndërsa teksti është shkruar nga bashkëshorti i saj, Valon Vataj.
Projekti muzikor vjen i shoqëruar me videoklip dhe është realizuar nga Bug Production & Wedding Motions Italy, ndërsa kënga është prodhuar nga Fole Publishing, duke garantuar një nivel të lartë artistik dhe profesionalizëm në çdo aspekt.
Kënga është përqafuar menjëherë nga publiku dhe po dëgjohet kudo, duke u kthyer në një himn të dashurisë për të gjitha çiftet.
Në një postim në Instagram, Albina ka shprehur mirënjohjen për çiftin që frymëzoi këtë projekt, duke shkruar: “Qoftë kjo këngë kujtim i përjetshëm i dashurisë suaj”.
“Të dua” nuk është vetëm një këngë, është një ndjenjë, një histori, një kujtim i dashurisë që prek dhe frymëzon.
Me këtë projekt, Albina Kelmendi dëshmon edhe një herë se është jo vetëm një këngëtare me zë të jashtëzakonshëm, por edhe një artiste që di si të prekë shpirtin e publikut.
Dëgjojeni “Të dua” në linkun më poshtë! /Prive By Liberta Spahiu
