Ditën e shtune, Engjëllusha dhe Mërgimi jetuan një nga momentet më të bukura të jetës së tyre.
Çifti kurorëzoi dashurinë tre vjeçare me martesë, me një dasëm madhështore që mori vëmendjen e mbarë opinionit publik.
Dhe ashtu siç e do tradita shqiptare, ditën e nesërme, u mbajt “Dita e Grave” – ku të afërmet dhe rrethi i ngushtë familjar shkojnë për të parë nusen me veshje tradicionale shqiptare në ditën e parë të martesës.
Engjëllusha shkëlqeu me veshje tradicionale të zonës së Opojës, me dallama dhe dimia të punuara në çdo detaj.
Ajo ndau një foto krah Mërgimit dhe me gojën plot mund të themi, Engjëllushes i paska mjaft hije të qenurit nuse.
Eleganca dhe hijeshia e saj në këto veshje, me siguri e kanë bërë këtë ditë edhe më të veçantë dhe të paharruar për të gjithë të pranishmit. /Prive By Liberta Spahiu
