Modelja e njohur Adrola Dushi dhe reperi Capital T duket se po kalojnë ditë të qeta pushimesh në një atmosferë tërësisht familjare.
Në rrjet kanë qarkulluar foto ku dyshja shihet e ulur në një tavolinë restoranti së bashku me djalin e Adrolës, Troin, dhe nënën e reperit.
Ky detaj ka tërhequr vëmendjen e fansave, të cilët e kanë interpretuar si një sinjal se marrëdhënia e dyshes ka kaluar në një nivel më serioz – tashmë duke përfshirë edhe familjen.
Prej kohësh, Adrola Dushi dhe Capital T janë përfolur si një nga çiftet më intriguese të showbiz-it shqiptar, por asnjëherë nuk e kanë pranuar publikisht romancën. Megjithatë, daljet e shpeshta së bashku, udhëtimet dhe momentet e përbashkëta kanë ushqyer gjithmonë aludimet.
Ky pushim familjar vjen pas disa muajsh ku të dy janë parë në evente e dalje publike, por gjithmonë duke ruajtur një dozë misteri. Tashmë, fakti që në tryezë ndodhet edhe nëna e reperit shihet nga shumëkush si një “bekim” familjar për lidhjen e tyre.
Për momentin, as Adrola e as Capital T nuk kanë bërë ndonjë reagim lidhur me fotot, duke lënë hapësirë që rrjeti të vazhdojë të komentojë. Por një gjë është e sigurt – kjo nuk është thjesht një dalje e zakonshme, por një moment që flet shumë për marrëdhënien e tyre. /Prive By Liberta Spahiu
