Këngëtarja shqiptare me famë botërore, Rita Ora, ka emocionuar fansat me urimin e saj për 50-vjetorin e bashkëshortit, regjisorin e njohur Taika Waititi.
Çifti, që prej martesës së tyre në vitin 2022, janë shndërruar në një nga dyshet më të dashura të botës së artit, duke tërhequr gjithnjë vëmendje me lidhjen e tyre plot dashuri, harmoni dhe humor.
Në një postim në Instagram, Rita publikoi foto të bukura nga festa e organizuar në Ibiza, ku të pranishëm ishin miq e familjarë të çiftit. Ajo i dedikoi disa fjalë tepër të veçanta partnerit të saj:
“Gëzuar 50-vjetorin, zemër! E di që është një moment i madh për ty. Jam shumë krenare për gjithçka që ke arritur dhe për të gjitha ëndrrat që ende ke e dëshiron të realizosh! Frymëzohem nga ti çdo ditë. Faleminderit familjes dhe miqve që erdhën nga e gjithë bota për të festuar me ne. Nuk po qaj unë, po qan ti! Tashmë jam rikuperuar dhe mund të ndaj këtë moment me ju!” – shkroi Rita.
Ajo falënderoi gjithashtu edhe miqtë e ngushtë që ndihmuan në organizimin e festës, duke e cilësuar natën si një “magji të vërtetë”.
Historia e dashurisë mes Ritës dhe Taikës ka qenë shpesh në qendër të mediave rozë. Ata u njohën në fillim të vitit 2021 dhe u martuan në një ceremoni private në vitin 2022. Që prej asaj kohe, të dy kanë treguar se jo vetëm janë partnerë në jetë, por edhe mbështetje e pandalshme për njëri-tjetrin në karrierë.
Taika, i njohur për filmat e suksesshëm si Jojo Rabbit dhe Thor: Ragnarok, ka qenë gjithmonë pranë Ritës në projektet e saj muzikore dhe televizive. Nga ana tjetër, Rita ka qenë e pranishme në premiera e festivale, duke e shoqëruar bashkëshortin e saj.
Urime! /Prive By Liberta Spahiu
View this post on Instagram
