Punonjësja e Burger King, e cila u pushua nga puna pasi mbajti vetë e vetme funksionimin e një restoranti të zinxhirit të ushqimit të shpejtë, më në fund ka thyer heshtjen.
Muajin e kaluar, Nykia Hamilton u bë e famshme në internet pasi u filmua duke punuar në çdo stacion të një Burger King në Columbia, Karolina e Jugut, gjatë një turni 12-orësh. Megjithatë, vetëm disa javë pasi videoja u bë virale, ajo u pushua nga puna.
Nëna e tre fëmijëve mori lajmin shkatërrues më 8 gusht, kur u njoftua se po e lironin nga puna sepse kishte ardhur me vonesë në turn, një gjë që ajo e justifikoi me faktin se është një prind i zënë.
Tre ditë më vonë, më 9 korrik, ajo krijoi një faqe GoFundMe, duke theksuar se nuk kishte kërkuar asnjëherë famën që e gjeti.
“Jam një nënë beqare 25-vjeçare me 3 fëmijë që punoj në 2 vende. Thjesht u bëra virale në TikTok duke punuar. Nëse doni të kontribuoni, është në rregull. Faleminderit të gjithëve për mbështetjen”, shkroi ajo në përshkrim. “Nuk e prisja që jeta ime të ndryshonte në këtë mënyrë. Gjithçka që bëj, e bëj për fëmijët e mi.”
Tani, Nykia – e cila kishte dy punë para se të pushohej – postoi një përditësim në faqen e GoFundMe: “Faleminderit shumë për mbështetjen. Nuk e prisja këtë reagim, por premtoj që nuk do t’ju zhgënjej. Qëndroni gati për video që po vijnë së shpejti.”
Për çudi, Nykia dhe familja e saj janë afër arritjes së shumës prej pothuajse 100,000 dollarësh nga donatorët dashamirës, me totalin që në momentin e shkrimit arrinte në 91,205 dollarë.
Por kjo nuk ishte e vetmja përditësim që ajo dha; ajo postoi edhe në Instagram, ku u shfaq me dhëmbë të veshur me ar (grills), duke zbuluar planet e saj.
“Ç’kemi, si jeni të gjithë?” filloi ajo. “Jam duke kërkuar sponsorë për të nisur një grup mbështetës të quajtur ‘Hands Helping Hands’, për të ndihmuar çdo prind të vetëm, nënë të vetme, baba të vetëm, ose cilindo që ka nevojë për ndihmë, pikë.”
Ajo vazhdoi: “Kushdo që dëshiron të jetë sponsor, të kontribuojë apo të jetë pjesë e kësaj nisme, ju lutem më shkruani. Dua vërtet ta realizoj këtë, dua ta bëj një organizatë jofitimprurëse për të ndihmuar të tjerët. Faleminderit.”
Në lidhje me thashethemet për pushimin e saj nga puna, Burger King dha këtë deklaratë për UNILAD:
“Asnjë anëtar i ekipit nuk duhet të lihet të drejtojë një restorant i vetëm, qoftë edhe për një kohë të shkurtër.
Kjo nuk është mënyra jonë e operimit dhe jemi të zhgënjyer që politika jonë, e cila kërkon më shumë se një anëtar ekipi për turn, nuk u ndoq.”
“Vendimet për pushime nga puna merren nga francizat që zotërojnë dhe operojnë restorantet BK. Në këtë rast, francizëmarrësi konfirmoi se individi në fjalë nuk është më i punësuar për shkak të shkeljeve të përsëritura të orarit të punës.”
“Ndërkohë që nuk mund të ndajmë më shumë për çështje të personelit, jemi të fokusuar që çdo restorant, qoftë i kompanisë apo i operuar nga francizë, të ketë stafin dhe mbështetjen e nevojshme për të kujdesur për anëtarët tanë të ekipit dhe për të ofruar përvojën që mysafirët tanë presin.”/Prive By Liberta Spahiu
