Këngëtari i njohur Ermal Fejzullahu sot feston ditëlindjen, dhe urimin më të veçantë e ka marrë nga bashkëshortja e tij, Ariana Fejzullahu.
Në një postim të ndarë në rrjetet sociale, Ariana publikoi një foto të tyre së bashku, duke i dedikuar fjalë plot dashuri:
“Gëzuar ditëlindjen dashuria ime. Uroj që çdo ditë e jotja të jetë e mbushur me shëndet, lumturi e dashuri. Ti je dhurata më e bukur e jetës sime!”
Çifti prej vitesh gëzon një martesë të lumtur dhe janë prindër të katër fëmijëve: tre vajzave, Era, Buna dhe Ana, si edhe djalit të tyre Artit.
Ermal Fejzullahu, një nga emrat më të dashur të muzikës shqiptare, vazhdon të mbetet i suksesshëm në skenë, ndërkohë që jeta e tij familjare shihet shpesh si shembull harmonie dhe dashurie.
Urime të përzemërta për Ermalin, me dëshirën që vitet në vijim t’i sjellin edhe më shumë suksese dhe gëzime pranë familjes së tij të bukur! /Prive By Liberta Spahiu
