Brikenda, ish-banore e edicionit të parë të Big Brother VIP Kosova, ka marrë një vendim të guximshëm që ka befasuar ndjekësit e saj.
Me anë të një postimi në rrjete sociale, ajo zbuloi se ka hequr të gjitha mbushësit (fillerat) nga fytyra, duke theksuar se ndihet më mirë, më e freskët dhe më e bukur. “Natyra ime doli sërish në pah… falë shkrirjes së fillerave”, ka shkruar ajo, duke e shoqëruar mesazhin me një paraqitje elegante e plot vetëbesim.
Ky hap i Brikendës vjen në një kohë kur gjithnjë e më shumë figura publike dhe vajza të njohura po zgjedhin të rikthehen te natyralja.
Pas disa vitesh ku mbushësit dhe ndërhyrjet estetike ishin në kulmin e popullaritetit, një trend i ri ka filluar të marrë hov në botën e bukurisë – ai i “dissolving fillers”, pra shkrirjes së tyre për të rikthyer tiparet origjinale. Ky fenomen nuk është vetëm estetik, por edhe psikologjik, pasi lidhet me dëshirën për të pasur një pamje më autentike dhe më të lehtë për t’u mirëmbajtur.
Në botën ndërkombëtare, shumë yje kanë pranuar publikisht se kanë hequr mbushësit nga fytyra, duke e konsideruar këtë hap si një kthim drejt vetes së tyre të vërtetë. Kjo duket se po reflektohet edhe te të rinjtë shqiptarë, të cilët gjithnjë e më tepër po e shohin bukurinë natyrale si vlerën më të madhe.
Vendimi i Brikendës është pritur pozitivisht nga fansat e saj, të cilët e kanë komplimentuar për guximin dhe elegancën që përcjell. Ajo është një shembull se bukuria nuk qëndron gjithmonë te ndërhyrjet e shumta, por shpesh në rikthimin e thjeshtësisë që e bën një njeri të ndjehet rehat në lëkurën e tij.
/Prive By Liberta Spahiu
