Një histori e pazakontë ka marrë vëmendje në rrjetet sociale.
Nusja Blerta, vetëm pak ditë para ditës së saj më të madhe, përjetoi një incident të papritur – theu këmbën vetëm tre ditë para dasmës.
Në një video që ka ndarë në TikTok, Blerta ka dokumentuar të gjithë rrugëtimin e saj nga momenti i lëndimit e deri tek dita e dasmës.
Fillimisht, ajo shfaqet duke kërcyer e lumtur, katër ditë para martesës, pa ditur çfarë e priste. Por vetëm një ditë më pas, gjithçka ndryshoi – këmbën e saj e mbuloi një allçi dhe frika se ëndrra e bardhë mund të prishej ishte e madhe.
“Ende po planifikoja dasmën, pa ditur nëse këmba ime do të funksiononte,” ka shkruar Blerta në një nga insertet e videos. Ajo shihet duke përdorur paterica, duke vizituar mjekun dhe duke provuar këpucën ortopedike që do ta ndihmonte të ecte në ditën e madhe.
Vetëm një ditë para martesës, ajo bëri “final touch” me këpucën ortopedike, duke shpresuar se do ta përballonte gjithë emocionin e ditës së saj.
Pavarësisht dhimbjeve dhe stresit, Blerta nuk u dorëzua. Me ndihmën e mjekut dhe vendosmërinë e saj, ajo arriti ta realizonte ëndrrën që kishte pritur me muaj të tërë – të kurorëzohej nuse.
Historia e saj është pritur me mijëra komente dhe urime në rrjetet sociale, ku ndjekësit e përgëzojnë për forcën dhe guximin. “E vërtetë nuse luftëtare,” shkruan një prej fansave. /Prive By Liberta Spahiu
@blertah.lashes 4 days… broken leg edition 👣🥹 #bride #wedding #weddingprep ♬ som original – shelby.motivatiion 
