Egli bën lëvizjen e papritur ndaj Kader pas intervistës në Prive! Mbrëmë, Kader i vuri pikat mbi i në një rrëfim pa dorashka për Prive By Liberta Spahiu, ku foli hapur për gjithë verën e mbushur me thashetheme dhe për komentet që e vinin në qendër të portaleve.
Mes një furie reagimesh nga publiku, ajo u tregua e qartë dhe madje foli në superlativ për Eglin, duke hedhur poshtë çdo insinuatë për përfshirjen e saj në prapaskenat e raportit me Gjestin.
E duket se kjo intervistë ka prodhuar lëvizje: fansat kanë pikasur sot se Egli dhe Kader tashmë ndjekin njëra-tjetrën në Instagram, një detaj që nuk ekzistonte më parë. Për shumëkënd, ky është sinjali i qartë se fjalët e Kaderit jo vetëm kanë arritur tek Egli, por edhe kanë hapur derën e një marrëdhënieje të re mes tyre.
Ky zhvillim forcon edhe më tej bindjen se Kader nuk ka qenë kurrë arsyeja e krisjes mes Gjestit dhe Eglit, duke e pastruar imazhin e saj nga një histori ku u përfol pa të drejtë.
Por mbetet pyetja që ndez kureshtjen: a do të ndalojë Gjesti komentet dhe pëlqimet që aq shumë janë komentuar në portale pas këtij afrimi të ri? Prive do të jetë aty për çdo hap të ardhshëm dhe për çdo sinjal të vogël që vjen nga kjo treshe kaq e komentuar.
View this post on Instagram
