Një studente kolegji është vrarë nga ish-i dashuri i saj, i cili e kishte përndjekur për muaj të tërë, në atë që policia e përshkruan si vrasje dhe vetëvrasje.
20-vjeçarja Sarah Carroll u qëllua për vdekje në Westland, Detroit, të shtunën nga ish-i dashuri i saj, Lincoln, i cili më pas i mori jetën vetes.
Jennifer Carroll, nëna e viktimës, tha se Sarah ishte në proces të marrjes së një urdhri kufizues kundër ish-të dashurit të saj kur ai e qëlloi për vdekje gjatë fundjavës.
Carroll i tha gazetës: “Ajo ishte me Lincolnin, ish-të dashurin e saj, për gati një vit dhe ata kishin probleme. Ai e përndiqte për dy muajt e fundit. Dhe ai erdhi këtu mbrëmë, e qëlloi, telefonoi 911, tha se vrau të dashurën e tij dhe pastaj qëlloi veten.”
Nëna vazhdoi: “Ajo ishte një person i mrekullueshëm. Ajo e ndriçonte dhomën e saj sa herë që hynte. Kishte një buzëqeshje thjesht të shkëlqyer dhe ishte shumë e zgjuar. Ishte në Listën e Dekanit.” Carroll vazhdoi duke thënë se vajza e saj nuk i kishte informuar prindërit se po përndiqej nga ish-partneri i saj përpara se Lincoln të kryente vrasjen brutale.
Ajo ndau gjithashtu një këshillë: “Prindër kujdesuni për fëmijët tuaj. Përpiquni të përfshiheni më shumë në jetën e tyre, përpiquni t’i bëni ata të jenë të hapur dhe të flasin me ju.”
Një faqe GoFundMe është krijuar gjithashtu që nga ndarja tragjike e Sarës, ku të gjitha paratë e mbledhura do të përdoren për ‘shpenzimet e funeralit’.
Në mbledhjen e fondeve thuhet : “Zemrat tona janë të thyera ndërsa ndajmë lajmin se e bukura jonë Sarah Carroll na u mor shumë shpejt për shkak të dhunës me armë. Sarah ishte plot jetë – e zgjuar, e guximshme, e fortë dhe me një buzëqeshje që ndriçonte çdo dhomë ku hynte.”
“Ajo sapo kishte filluar udhëtimin e saj dhe humbja e saj në një moshë kaq të re është diçka që asnjë familje nuk duhet ta kalojë kurrë.”
GoFundMe vazhdon: “E duam dhe e na mungon më shumë sesa mund të përshkruhet me fjalë. Faleminderit për lutjet, donacionet dhe dashurinë që i keni treguar familjes sonë gjatë kësaj kohe të vështirë.” James Carroll, babai i Sarës, ka folur gjithashtu për shtypin pas ngjarjeve tragjike të fundjavës.
Ai i tha Click on Detroit se Linkolni “vuante nga një sëmundje mendore ”.
“Nëse fëmijët e tyre vuajnë nga sëmundje mendore, merrni ndihmë. Jepuni ndihmën që u nevojitet përpara se të ndodhë diçka e tillë”, i tha ai gazetës. /Prive By Liberta Spahiu
