Këngëtari i njohur Yll Limani nuk ka të ndalur, sot ai ka publikuar projektin e tij më të ri muzikor me titull “Po të pres te Shadërvani”, ripërpunimin e hitit të vjetër nga Nexhmi Mehmeti që tashmë ka rrëmbyer zemrat e publikut.
Kënga u dëgjua për herë të parë në një nga performancat e tij live në Dokufest në Prizren, ku publiku reagoi menjëherë me entuziazëm, duke e bërë këngën virale në TikTok edhe pa u publikuar zyrtarisht.
Kujtojmë se projekti i fundit i Limanit ishte kënga “Larg”, e cila gjithashtu pati jehonë të madhe dhe u bë virale menjëherë pas publikimit, një tjetër pëlqyeshmëri e tij që ai ka në tregun muzikor shqiptar.
Yll Limani po dëshmon edhe një herë se është një nga artistët më të dashur dhe më produktivë të momentit, me një ndjekje të jashtëzakonshme në rrjetet sociale. /Prive By Liberta Spahiu
