Ish-konkurrenti i reality-show “Për’puthen”, Albi Dhima, ka befasuar ndjekësit e tij me një postim të fundit në Instagram.
Në një story të shpërndarë, ai ka konfirmuar se është në një lidhje të re dashurie, duke i vënë kështu pikë përfundimtare ndarjes me të fejuarën e tij Hyrie Vata e cila e pati marrë për të ndërtuar jetë bashkë në Amerikë.
Çifti Albi dhe Hyrie u fejuan në vitin 2022, por duket se marrëdhënia e tyre nuk arriti të përballojë kohën dhe sfidat.
Me postimin e fundit, Albi tregoi se tashmë i ka ndarë përfundimisht rrugët me ish-partneren dhe ka nisur një kapitull të ri në jetën e tij sentimentale.
Megjithatë, ai ka zgjedhur të mos zbulojë identitetin e vajzës me të cilën po përjeton këtë histori të re dashurie, duke lënë hapësirë për shumë kureshtje dhe aludime nga publiku.
Tashmë mbetet të shihet se kur ai do të vendosë të ndajë publikisht më shumë rreth lidhjes së re dhe të dashurës misterioze. /Prive By Liberta Spahiu
