Reperi i njohur Dardan i dha fund beqarisë me një ceremoni super sekrete mbrëmë, ku kusht ishte që të mos kishte asnjë publikim në rrjete sociale. Megjithatë, një video e shkurtër e shpërndarë në TikTok ka bërë që dasma të kthehet në kryetemë.
Në pamjet e publikuara, Dardan shihet i veshur me kostum tradicional shqiptar, ndërsa bashkëshortja e tij Hava, artistja boshnjako–turke, mbulohet me flamurin kuq e zi. Ky moment i veçantë ka ngjallur reagime të shumta në rrjet, duke ndezur dhjetëra komente.
@userrr071249Mister Dardy hat geheiratet #deutschrap #foryoupagе #dardan #hava #kosovo
“Është dasma e tyre dhe mund të bëjnë çfarë të duan në atë ditë,” shkruan një komentues, duke marrë mbi 400 pëlqime. Një tjetër shtoi: “Ajo e bën këtë për burrin e saj, por të rinjtë ende nuk e kuptojnë.” Ndërsa dikush tjetër theksonte: “Këtë vit janë martuar madje edhe sipas traditës islame.”
Dasma ka befasuar publikun, por jo edhe ndjekësit e Prive By Liberta Spahiu. Më herët gjatë këtij viti, emisioni kishte zbuluar ekskluzivisht se çifti planifikonte të kurorëzonte dashurinë pikërisht këtë vit në Prishtinë.
Tani që pamjet janë bërë virale, martesa e Dardanit dhe Havës është kthyer në një nga ngjarjet më të përfolura të momentit, duke e vulosur përfundimisht dashurinë e tyre me një ceremoni që ka bërë jehonë përtej kufijve. /Prive By Liberta Spahiu
