Këngëtari dhe autori i njohur amerikan, Ne-Yo, ka bërë sërish bujë me rrëfimet e tij mbi jetën personale.
Pas divorcit me Crystal Renay, me të cilën ishte i martuar për gjashtë vite, ai njoftoi se është në një marrëdhënie poliamoroze me katër gra – Cristina, Arielle, Moneii dhe Bri.
Fillimisht, Ne-Yo e kishte zbuluar këtë dinamikë në “The Angie Martinez Show”, duke treguar se partneret e tij nuk dalin me askënd tjetër përveç tij. “Unë nuk ua kërkova ekskluzivitetin, ato ma ofruan vetë. Erdhën dhe më thanë: ‘Dua të jem vetëm me ty.’ Dhe unë e pranova,” – kishte deklaruar ai.
Së fundmi, 45-vjeçari foli sërish për marrëdhënien e tij gjatë një transmetimi live në streamin e Kai Cenat.
Ai shpjegoi se përqendrohet tek ajo që është më e mira për veten, fëmijët dhe “fis-in” e tij.
I pyetur nëse ka komplikime, Ne-Yo tha: “Sigurisht që ka. Komplikime ka edhe kur janë vetëm dy persona në një lidhje, e aq më shumë kur janë katër.”
Ndërsa për pyetjen nëse e nervozon grupi i grave kur e zemëron vetëm njëra prej tyre, ai u shpreh se mundohet të kontrollojë emocionet. “Ashtu si me shoqëritë – nëse njëri të mërzit, kjo nuk do të thotë se duhet të reagosh njësoj ndaj të tjerëve.”
Ai gjithashtu tregoi se çfarë veçanërisht pëlqen tek secila prej tyre:
-
Njëra është më seriozja dhe më e besueshmja, ajo që gjithmonë kujdeset për çdo detaj.
-
Tjetra është ajo me të cilën qesh pa pushim, gjithçka është humor gjatë gjithë ditës.
-
Njëra është “luftëtarja”, që do t’i gjendej pranë edhe në situata të vështira.
-
Dhe e fundit është “eklektikja”, valltarja dhe artistja e grupit.
“Secila ka diçka të vetën dhe kështu funksionon. Funksionon në mënyrë perfekte,” – u shpreh Ne-Yo. /Prive By Liberta Spahiu
