Dje, në Romë, Genar Topalli, djali i ish-kryetares së Parlamentit, Jozefina Topalli, i dha fund beqarisë duke u martuar me Cindy-n, modelen dhe moderatoren e njohur sportive.
Ceremonia mori një dimension të veçantë pasi çifti mori edhe bekimin e Papës.
Në një postim, Genari shkroi se zemra e tij nuk ka rrahur kurrë më fort dhe se kjo është një ditë e mbushur me emocione, lumturi dhe dashuri. Ai e quajti martesën një kapitull të ri të jetës së tyre, të ndërtuar mbi besim dhe përkushtim, duke e cilësuar Cindy-n si shpirtin e tij binjak dhe dashurinë e jetës.
“Me Cindy-n pranë, ndihem njeriu më me fat në botë,” tha ai, duke falënderuar familjarët dhe miqtë që ndanë me ta këtë moment të paharrueshëm. Një ditë e shënuar nga dashuria dhe bekimi i përjetësisë në zemër të Romës.
/Prive By Liberta Spahiu
