Studiuesit zbulojnë: Barnat GLP-1 ndikojnë në trurin tonë dhe reduktojnë mendimet obsesive për ushqim
Një raport i ri ka zbuluar se barnat për humbje peshe si Wegovy, Ozempic, Zepbound dhe Saxenda mund të ndryshojnë mënyrën se si truri ynë mendon për ushqimin.
Edhe pse Ozempic nuk është i miratuar për menaxhimin e peshës, shumë persona – përfshirë edhe figura publike – e përdorin për këtë qëllim, duke përmendur si efekte anësore uljen e oreksit, ngadalësimin e tretjes dhe mungesën e dëshirës për ushqime të ëmbla.
Sipas një studimi të zhvilluar nga Novo Nordisk dhe Market Track, i prezantuar në Takimin e 61-të të Shoqatës Evropiane për Studimin e Diabetit në Vjenë, këto “injektime të dobësisë” mund të ulnin “food noise” – pra mendimet e vazhdueshme për ushqimin.
Psikologia Dr. Charlotte Ord e përkufizon “food noise” si “mendime të përsëritura ose ndërhyrëse për ushqimin”, që ndodhin kur truri e percepton dietën si një formë “urie”.
Njerëzit me këtë gjendje shpesh mendojnë për ushqim edhe kur nuk janë të uritur.
Në anketën me 550 përdorues të semaglutide (Ozempic dhe Wegovy) për menaxhimin e peshës, 81% e tyre kishin përdorur injeksionet për të paktën 4 muaj.
Para trajtimit, 63% thoshin se kalonin shumë kohë duke menduar për ushqim, 62% mendonin për ushqim gjatë gjithë ditës dhe 53% ndiheshin të pakontrollueshëm ndaj këtyre mendimeve.
Pas fillimit të trajtimit:
Vetëm 15% raportuan se ende mendonin shumë për ushqim (-48%).
Vetëm 20% thanë se dieta ndikonte negativisht në jetën e tyre (-40%).
64% thanë se shëndeti mendor ishte përmirësuar.
76% pranuan se kishin zhvilluar një stil jetese më të shëndetshëm.
Eksperti Filip Knop nga Novo Nordisk tha se “është inkurajuese të shihet që përveç humbjes së peshës, Wegovy mund të ndihmojë në qetësimin e mendimeve për ushqimin dhe përmirësimin e mirëqenies mendore.”
Megjithatë, studiuesit theksojnë se nevojiten kërkime të tjera për të kuptuar plotësisht si barnat GLP-1 ndikojnë në funksionin e trurit.
/Prive By Liberta Spahiu
