Pas ndarjes së tyre në vitin 2025, Jennifer Lopez dhe Ben Affleck janë ribashkuar për një arsye profesionale.
Edhe pse martesa e tyre përfundoi, dyshja tregoi se ruan respekt dhe bashkëpunim — këtë herë për filmin Kiss of the Spider Woman (Puthja e Gruas Merimangë), ku Affleck ka shërbyer si producent ekzekutiv.
Lopez, 56 vjeçe, luan rolin kryesor në muzikalin e ardhshëm, ndërsa filmi është bashkë-prodhim i kompanisë Artist Equity, themeluar nga Affleck dhe Matt Damon.
Aktorja mori pjesë në premierën më 6 tetor në New York, ku surprizoi publiku edhe paraqitja e papritur e Affleck.
Në tapetin e kuq, ish-çifti u pa duke buzëqeshur dhe biseduar me njëri-tjetrin.
Lopez mahniti me një fustan nga koleksioni pranverë 2026 i Harris Reed, ndërsa Affleck, 53 vjeç, foli me median për filmin.
Gjatë prezantimit, Lopez falënderoi ish-bashkëshortin: “Ky film nuk do të ishte bërë pa Benin dhe Artist Equity.”
Ajo tregoi se kur lexoi skenarin, u ndje e mahnitur: “Mund të këndoj, kërcej dhe aktroj — si një yll i vjetër i Hollivudit.”
Historia e tyre përfshin shumë kthesa: ata u njohën në vitin 2002, u fejuan, u ndanë në 2004, u ribashkuan në 2021 dhe u martuan në Las Vegas në korrik 2022, me një ceremoni të dytë në Gjeorgji.
Ndarja e fundit ndodhi në 2024 për “ndryshime të pajtueshme”, ndërsa divorci u finalizua në shkurt 2025.
Në emisionin TODAY, Lopez tha: “Nëse nuk do të ishte për Benin, filmi nuk do të ishte realizuar — dhe gjithmonë do t’ia jap atij këtë meritë.” Ajo shtoi: “Gjërat ndodhin, duhet të vazhdosh përpara.”
Sipas saj, ky projekt ka qenë një proces shërues: “Filmi flet për mënyrën si arti dhe filmat na shpëtojnë në momentet më të vështira. Ky projekt më ndihmoi të kaloj një periudhë të vështirë personale.
” Në CBS News Sunday Morning, ajo shtoi: “Në xhirime isha e lumtur, por në shtëpi jo. Ishte e vështirë t’i pajtoja këto dy botë.”
Filmi, i cili pati premierën e parë në Sundance 2025, është një rimagjinim i muzikalit të Broadway-t të vitit 1993 dhe bazohet në romanin e vitit 1976 të shkrimtarit argjentinas Manuel Puig.
Me regji nga Bill Condon (Chicago), Lopez luan përkrah Diego Luna dhe Tonatiuh si “diva e ekranit të argjendtë” Ingrid Luna.
Kiss of the Spider Woman, me producentë Jennifer Lopez, Ben Affleck dhe Matt Damon, del në kinema më 10 tetor.
/Prive By Liberta Spahiu
