Dita e sotme zgjedhore në Kosovë ka sjellë një pjesëmarrje të gjerë jo vetëm nga qytetarët, por edhe nga shumë fytyra të njohura të skenës muzikore e televizive.
Shumë artistë dhe personazhe publikë kanë ndarë momente nga procesi i votimit në rrjetet sociale, duke dhënë mesazhe për pjesëmarrje dhe përgjegjësi qytetare.
Sasa Hoda nga lista e LDK-së, publikoi një foto nga qendra e votimit, duke shoqëruar postimin me një simbolikë të thjeshtë: 🗳️✌️.
View this post on Instagram
Ndërsa Arta Bajrami ndau një mesazh të qartë: “Votoni për të mirën e vendit”, duke u bërë pjesë e atyre që inkurajuan ndjekësit të shfrytëzojnë të drejtën e votës.
Këngëtarja Dafina Dauti u shpreh se votoi për ata që “kanë qenë gjithmonë në anën e drejtë të historisë”, ndërsa kërkoi që “e vërteta të fitojë”.
Edhe Gresa Gashi ndau një moment nga kutia e votimit, duke shkruar me humor: “U ktheva nga pushimi për të votuar, voto edhe ti se knaqesh!”
Nga ana tjetër, edhe artistë meshkuj si Yll Limani dhe Adnan Blaku publikuan momente nga votimi i tyre. Ylli zgjodhi ta tregojë me thjeshtësi përmes një fotografie me shenjën karakteristike në gisht, ndërsa Adnani shkroi: “U kry edhe kjo punë, tash le t’kryjnë ata që i zgjodhëm.”
Postimet e tyre janë pritur me shumë komente pozitive, me fansat që i kanë përgëzuar për shembullin që dhanë publikisht.
Kjo ditë ka treguar se arti dhe përgjegjësia qytetare ecin krah për krah – dhe se fytyrat publike kanë ndikim të madh në motivimin e të rinjve për të marrë pjesë në vendimmarrje. /Prive By Liberta Spahiu
