Teksa vazhdon përballjen ligjore dhe mediatike me ish-partnerin e saj, reperin Fero, Arbenita Ismajli ka ndarë sot një reflektim personal. Në një postim në Instagram, modelja ka treguar se janë bërë plot një vit prej kur është zhvendosur në Dubai bashkë me vajzën e saj, Ninen.
“U bë një vit që u zhvendosëm në Dubai, dhe të shoh ty të rritesh e të lulëzosh më shëron aq thellë”, ka shkruar Arbenita, duke iu referuar vajzës së saj.
Në fotografinë e ndarë, Nina shihet e buzëqeshur me një papagall mbi sup, në një moment që reflekton qetësi dhe stabilitet pas një periudhe të vështirë për modelen.
/Prive By Liberta Spahiu.
