Në një mbrëmje që ngjante me një përrallë, influencerja e njohur Idea Rexhepi ka kurorëzuar dashurinë e saj me Arber Rexhën, duke u fejuar në një ceremoni tejet të veçantë.
Pamjet e publikuara nga vetë Idea në rrjete sociale kanë bërë xhiron e internetit, ku ajo shfaqet e mahnitshme me një fustan të kuq elegant, përkrah partnerit të saj që shihet i lumtur dhe i emocionuar.
Në përshkrimin e postimit, Idea ka ndarë disa fjalë plot mirënjohje për familjen, miqtë dhe të gjithë ata që ishin pjesë e ditës së tyre më të bukur:
“Faleminderit prej zemrës krejt juve që ishit pjesë e ditës tonë ma të veçantë. Ishte një ditë plot dashni, buzëqeshje e momente që s’harrohen kurrë. Faleminderit familjeve tona për përkrahjen e dashninë, miqve për energjinë e mirë dhe gëzimin që na e dhuruan. Kjo ditë ishte jonja, po ju e boni edhe ma të bukur!”
View this post on Instagram
Në mbrëmje mbizotëruan ngjyrat e ngrohta, detajet e kuruara deri në perfeksion, dritat e buta dhe muzika që krijuan një atmosferë magjike. Vetë Idea ka falënderuar organizatorët dhe artistët që u kujdesën për çdo detaj, duke e bërë natën e fejesës së saj të duket si “një përrallë e vërtetë”.
Në disa momente të ndara në foto, shihet edhe familja e saj duke e përqafuar me dashuri, mes tyre edhe vëllai i saj, Beart Rexhepi, i cili ka qenë gjithmonë mbështetja e saj më e madhe.
Urime fejesa çiftit! /Prive By Liberta Spahiu
