Nutricionistja e njohur Blerina Bombaj ka folur për herë të parë mbi një përvojë të vështirë që ka kaluar në biznes.
E ftuar në një intervistë me Mira Kazhanin, Blerina rrëfeu hapur se si një bashkëpunim i nisur me besim u kthye në zhgënjim.
“Unë besova dikë tjetër. Mora një person që e quajta bashkëpunëtore, e cila ishte pa punë në atë kohë. I ofrova mundësinë që të mbante qendrën, ndërkohë që unë ndodhesha jashtë. Brenda tre muajve pashë që ajo ishte shumë invazive dhe, pak nga pak, po merrte rolin kryesor, duke më lënë mua mënjanë në mënyrë flagrante. Kur u ktheva pas tre muajsh, i thashë: ‘Shiko, ky është biznesi im dhe unë e bëj edhe pa ty’. Ajo më tha: ‘Edhe unë e bëj pa ty’. Atëherë e kuptova që nuk mund të vazhdoja më me një person të tillë dhe u tërhoqa. Pas gjashtë muajsh, ajo më konkuroi si dietologe dhe vazhdon edhe sot e kësaj dite”, tregoi Blerina mes tjerash.
Intervista e plotë në vijim. /Prive By Liberta Spahiu
