Këngëtari i njohur, Getinjo, ka shfrytëzuar platformën e tij në Instagram për të dhënë një mesazh thumbues, por me shumë humor, ndaj trendit të ekspozimit të modeleve më të fundit të celularëve, i cili ka marrë përmasa virale në rrjetet sociale shqiptare.
View this post on Instagram
Në një Story të tij, Getinjo bëri thirrje publike, për “iPhone 17 Pro Max”.
“A ma blen dikush një iphone 17 Pro Max bre? Se meta veç unë. Allahile merrne seriozisht.”
Ky postim i Getinjos duket se është një koment satirues mbi nxitimin masiv të njerëzve, përfshirë shpesh edhe personazhe publikë, për të blerë dhe reklamuar modelet më të reja të iPhone, sapo ato dalin në treg.
Duke iu referuar këtij modeli të telefonit, Getinjo vë në lojë ndjesinë e “të qenit pas” ose “të mbeturit vetëm” që krijohet në shoqërinë e sotme kur dikush nuk zotëron teknologjinë më të fundit.
Fraza “Se mbeta vetëm unë” thekson pikërisht ‘presionin social’ për të ndjekur këtë trend.
Me këtë postim, Getinjo jo vetëm që ka pasqyryar një realitet, por edhe ka kritikuar lehtësisht kulturën e konsumit të tepruar dhe rëndësinë e panevojshme që u jepet aksesorëve teknologjikë të momentit. /Prive By Liberta Spahiu
