Këngëtarja e suksesshme, Melinda Ademi, po shënon një moment të rëndësishëm në jetën e saj ditën e sotme.
Melinda po ndryshon prefiks, duke festuar ditëlindjen e 30-të në një udhëtim të paharrueshëm në Paris, Francë, përkrah të fejuarit të saj, Granit Muhaxheri.
Qyteti i dashurisë është vendi i ëmbël ku Melinda po shijon këtë kapitull të ri, siç dëshmohet nga postimet e saj ku shfaqet pamja magjepsëse e Kullës Eifel në natën e saj festive.
Sigurisht që këngëtarja mori urime të shumta me të hyrë mesnata, por më i veçanti ishte nga Graniti.
Graniti shprehu dedikimin e tij të veçantë përmes një postimi në ‘Story’:
“Urime ditëlindjen dashuria ime! Gëzuar një vit tjetër aventurash të mrekullueshme”.
Ky festim i dyfishtë vjen vetëm pak kohë pas propozimit romantik buzë detit dhe paralelisht me suksesin e saj profesional.
Kujtojmë se së fundmi, Melinda lansoi ‘Freestyle 40 Bars’, e cila u prit me entuziazëm të madh, duke dëshmuar se po korr sukses të madh si në dashuri, ashtu edhe në karrierë.
Melinda po fillon dekadën e 30-të me dashuri, aventurë dhe suksese të reja! /Prive By Liberta Spahiu
