Influencerja dhe sipërmarrësja Sara Gjordeni po hyn fuqishëm në botën e beauty & skincare me lansimin e brendit të saj të ri “PRIME”, që do të lansohet zyrtarisht më 5 dhjetor, në ditëlindjen e parë të vajzës Nea.
View this post on Instagram
Projekti vjen pas një periudhe reflektimi, rritjeje personale dhe përpjekjeje për të dëshmuar se suksesi nuk varet nga rrethanat e lindjes, por nga vendosmëria.
Sipas Sarës, “Prime” lindi nga bindja e plotë se çdo njeri, pavarësisht sfidave, origjinës apo paragjykimeve, mund t’ia dalë në mënyrë të shkëlqyer.
“Më shumë se për veten, desha të vërtetoj se edhe ata që nuk vijnë nga një background me avantazhe, mund të ndërtojnë diçka të madhe, të bukur dhe të vlefshme,” është shprehur ajo.
Brendi i saj i skincare është i gjithë organik, i natyrshëm dhe mbart një filozofi të fortë:
“Skincare për ata që thyejnë rregullat.”
Kjo qasje e bën “Prime” një brand që sfidon standardet dhe që i drejtohet njerëzve të guximshëm, atyre që pranojnë veten me të gjitha të metat dhe bukuritë e tyre natyrale.
Sara ka vendosur që vetë të jetë fytyra e brandit, duke theksuar se “Prime” nuk lindi nga Big Brother, por nga periudha më e mirë e jetës tënde: një kohë e lulëzimit, rritjes dhe vetëbesimit.
“Kur e sheh veten duke lulëzuar, është ndjenja më e mirë që mund të kesh,” shtoi ajo.
Mesazhi i saj përmes këtij brandi është i qartë:
“Çdokush, në çdo moshë – 20, 30 apo 50 vjeç, me strija, rrudha apo thinja, duhet të ndihet në PRIME-n e vet, në versionin më të mirë të vetes.
“Prime” pritet të sjellë produkte moderne, të pastërta, të punuara me kujdes dhe të dedikuara për të gjithë ata që duan të kujdesen për veten pa standarde të rreme dhe pa presione. /Prive By Liberta Spahiu
View this post on Instagram
