Reperi i njohur me origjinë shqiptare, Azet l ka reaguar në profilin e tij në Instagram pas shpërndarjes së disa raporteve në media që sugjeronin një sulm të drejtpërdrejtë ndaj tij.
Nëpërmjet një deklarate të shkurtër, artisti kërkoi të qartësojë situatën, duke demantuar lajmet për një sulm personal dhe duke bërë të ditur se incidenti ka prekur një nga pronat e tij, por jo vendbanimin e tij.
“Informacion i shkurtër në lidhje me raportet aktuale: Nuk ka pasur asnjë sulm ndaj meje. Unë posedoj disa prona respektivisht ndërtesa me shumë apartamente. I prekur ishte një nga këto objekte – unë vetë nuk banoj atje. Incidenti nuk ka lidhje me mua.”
Reagimi i Azet thekson se edhe pse një nga objektet në pronësi të tij ka qenë pjesë e një incidenti, ai personalisht nuk ka qenë shënjestër dhe nuk ka lidhje me ngjarjen në fjalë, duke distancuar veten nga spekulimet. /Prive By Liberta Spahiu
