Big Mama është parë thellësisht e prekur dhe me lot në sy në ceremoninë e homazheve për Shpat Kasapin, i cili u nda nga jeta papritur në moshën 40-vjeçare pas një arresti kardiak.
E veshur me të zeza, Big Mama pret në ngushëllime të pranishmit, duke mbajtur në dorë një shami dhe duke mos i përmbajtur lotët për humbjen e mikut të saj të ngushtë.
Big Mama mban një fotografi të printuar bardh e zi të Shpat Kasapit, e cila tregon që Shpati do jetë gjithnjë në zemrën e saj.
Humbja e parakohshme e këngëtarit ka tronditur të gjithë komunitetin artistik, me Big Mamën që shprehu dhimbjen e saj të thellë duke thënë se nuk mund ta besonte lajmin.
Big Mama dhe Shpat Kasapi ishin kolegë dhe miq të ngushtë, të rritur bashkë dhe të njohur që nga viti 1997, shpesh duke bashkëpunuar në programe festive. Big Mama ka zbuluar se kërkesa e fundit e tij, pak ditë para vdekjes, ishte që të këndonin këngën “Sajzeza” së bashku.
