Këngëtarja e dashur, Anjeza Shahini, ka ndarë sot një moment tejet të vështirë me ndjekësit e saj.
Në një Instagram Story shokues, ajo ka treguar imazhin e burrit të saj, me sy të lënduar dhe të mbuluar me gjak, pas një aksidenti të papritur.
Anjeza thotë se ai është goditur nga një biciklist i papërgjegjshëm në orët e mëngjesit.
Për fat të mirë, gjithçka është nën kontroll. Këngëtarja konfirmoi se: “I janë bërë disa qepje të vogla dhe tani duhet të pushojë e të shërohet.”
Por mesazhi i saj ishte i fortë dhe një thirrje për ndërgjegjësim:
“Faleminderit Zotit që gjithçka është në rregull, vetëm një kujtesë se duhet vetëm Një sekond dhe jeta mund të ndryshojë përgjithmonë. Prandaj ju lutemi, qëndroni të kujdesshëm dhe mbajini të tjerët sa më të sigurt që të mundeni.”
Një moment që na kujton sa e brishtë është jeta. I urojmë shërim të shpejtë bashkëshortit të Anjezës!
/Prive By Liberta Spahiu
