Këngëtari i njohur dhe anëtari aktiv i Partisë Demokratike të Kosovës (PDK), Genc Prelvukaj, ka konfirmuar se do të jetë sërish kandidat për deputet në Kuvendin e Kosovës.
Prelvukaj e ka bërë të ditur lajmin përmes një postimi në rrjetet sociale, duke shprehur dëshirën e tij për të kontribuar në jetën politike të vendit.
Ai shkruan se, pas një dekade që ka qenë pjesë e strukturave të Partisë Demokratike të Kosovës dhe ka ushtruar detyra sipas objektivave partiake e shtetërore, ka vendosur të kandidojë sërish.
Prelvukaj thekson se pozita e tij në listën e PDK-së do të jetë numri 40. Ai kërkon mbështetjen e bashkëqytetarëve për të arritur objektivin e tij.
Kujtojmë se Genc Prelvukaj garoi edhe në zgjedhjet e kaluara të mbajtura në shkurt. Megjithë angazhimin e tij, ai nuk arriti të siguronte votat e mjaftueshme për të fituar një ulëse në Kuvend.
Sërish me numrin 40, këngëtari synon suksesin në këtë garë të re politike. /Prive By Liberta Spahiu
View this post on Instagram
