Koncertet maratonë të Alban Skënderaj në Prishtinë janë padyshim kryefjala e kësaj jave, por mes mijëra spektatorëve, ishte një i moshuar që mori të gjithë vëmendjen e publikut.
Koncertet madhështore të Alban Skënderaj në Prishtinë, të cilat u mbajtën në katër netë radhazi, kanë lënë një mbresë të pashlyeshme.
Edhe pse atmosfera ishte elektrizuese, thelbi i vërtetë i dashurisë për muzikën u shfaq përmes një momenti të veçantë që u bë menjëherë viral në TikTok.
Protagonisti i këtij momenti emocionues ishte një burrë i moshuar, pasioni i të cilit për muzikën e artistit shqiptar rrëmbeu zemrat e të gjithëve.
Videoja, e ndarë nga vetë fansi në TikTok, tregon atë duke kënduar me shpirt dhe me pasion të madh këngën e njohur të Albanit, “Obsesion”, gjatë natës së dytë të koncertit.
Bashkë me videon, ai shkruante një falënderim të thjeshtë por domethënës për artistin: “Një spektakël i vërtetë. Faleminderit Alban Skënderaj”.
Reagimet në rrjetet sociale ishin të shumta dhe tepër pozitive. Mijëra përdorues të TikTok-ut u prekën nga ky moment, duke theksuar se muzika nuk njeh moshë.
Një nga komentet më të pëlqyera shkruante: “A pajtohemi të gjithë se kjo është video me e bukur e ketyre diteve nga koncerti i Albanit???? Paq jete e gjallëri edhe për shumë vite o dritë!!”
Ndërsa një tjetër koment përmblidhte më së miri emocionin e publikut:
“Këtu merr kuptim shprehja, ‘robi plaket kur do vet’. Paç jetën e gjatë gjyshi!!!”
Kjo ngjarje vërtetoi edhe një herë fuqinë e muzikës së Alban Skënderaj për të bashkuar të gjitha brezat dhe për të krijuar momente të paharrueshme plot emocion. /Prive By Liberta Spahiu
@haremshqiplombardia @canimiriam @Alban Skenderaj – Nata 2 ♬ suono originale – Harem Shqip Lombardi 
