Këngëtarja e njohur, Jessie J, dha një demonstrim të vërtetë force dhe guximi të dielën në mbrëmje, duke u rikthyer në skenë pas një beteje të vështirë shëndetësore.
Artistja 37-vjeçare, e cila iu nënshtrua një mastektomie në qershor, pasi u diagnostikua me kancer të gjirit në fazat e hershme, performoi në evenimentin e madh “Jingle Bell Ball” të Capital në The O2.
Jessie J iu bashkua formacionit të yjeve duke performuar para një audience prej plot 16 mijë vetësh, duke shënuar kështu rikthimin e saj të fuqishëm pas operacionit.
Rikthimi i saj mori edhe më shumë vëmendje pasi ajo pranoi këtë javë se ekziston mundësia që sëmundja të rikthehet.
Megjithatë, kjo nuk e ndaloi yllin e popit të shkëlqejë në skenë.
Përpara performancës, Jessie J pozoi për foto, duke shfaqur stilin e saj unik.
Ajo kishte zgjedhur të vishte një xhaketë bejsbolli me vija të holla ngjyrë kafe dhe pantallona të njëjta, duke konfirmuar se është rikthyer jo vetëm në skenë, por edhe në formë të shkëlqyer. /Prive By Liberta Spahiu
