Lumbardh Salihu dhe Alba Vukaj ishin padyshim ‘kryefjala’ e dinamikave rozë në Big Brother VIP Kosova 2, edhe pse historia e tyre nuk pati kurrë një fund të lumtur romantik.
Saga e fituesit të edicionit, i cili nuk i fshihte ndjenjat, përballë refuzimit të prerë të bukuroshes shkodrane, u duk se u mbyll përfundimisht pas finales.
Që prej atëherë, raportet mes tyre kanë qenë inekzistente, duke lënë të kuptohet se secili kishte vazhduar në drejtime të ndryshme.
Por, orët e fundit, ndjekësit e vëmendshëm kanë kapur një detaj që nuk pritej: Lumbardhi dhe Alba i kanë bërë “follow” njëri-tjetrit në Instagram.
Ky afrim virtual ndezi menjëherë rrjetin, me pyetjen se çfarë po ndodh mes të dyve dhe a ka vend për ndonjë rikthim historie?
Megjithatë, burime të sigurta për Prive By Liberta Spahiu zbulojnë ekskluzivisht se kjo “paqe” nuk ka prapavijë romantike, por është strikt profesionale.
Mësohet se dyshja janë bërë bashkë për një projekt të rëndësishëm xhirimesh për platformën gjigante, MetDaan.
Pas një kohe të gjatë distancë, Alba dhe Lumbardhi kanë lënë pas të shkuarën e reality show-t për t’u bashkuar në sheshxhirim si profesionistë të vërtetë.
Mbetet për t’u parë se çfarë po gatuajnë saktësisht për MetDaan, por një gjë është e sigurt: ata ditën se si ta rrëmbejnë vëmendjen! /Prive By Liberta Spahiu
