Jehona e Big Brother VIP Kosova 4 duket se ka kaluar jo vetëm kufijtë e Ballkanit, por edhe oqeanin. Së fundmi, dinamikat e shtëpisë më të famshme në Kosovë kanë përfunduar në “radarët” e faqeve të specializuara për reality shows në Brazil.
Shkak për këtë është bërë afrimiteti i shumëdiskutuar mes dy banorëve të këtij edicioni, Klodian Mihaj dhe Londrim Mekaj.
Faqja e njohur braziliane në Instagram, @brinkscomfogo, e cila ndiqet nga fansa të zjarrtë të formateve si “Too Hot To Handle” (Brincando com Fogo), i ka kushtuar një postim të veçantë dyshes shqiptare.
Pse njihet Klodiani në Brazil?
Në postim, Klodianit i referohen si “ex-foguinho”. Ky term vjen nga titulli portugez i emisionit të Netflix, “Brincando com Fogo”. Klodiani ka qenë protagonist në Too Hot To Handle Italia (që u transmetua globalisht në Netflix në verën e vitit 2025), gjë që i ka dhënë atij njohje ndërkombëtare, përfshirë edhe audiencën braziliane.
Nën titullin “Eita Eita!! A kemi një çift të ri në zonë?”, faqja braziliane shkruan:
“Ish-foguinho Klodian Mihaj (nga THTH Italia), i cili është pjesë e kastit të sezonit të ri të Big Brother VIP Kosova, ka tërhequr shumë vëmendje në ‘aplikacionin fqinj’, për shkak të afrimitetit të tij me pjesëmarrësin tjetër, Londrim Mekaj.”
Faqja ka detajuar momentet që kanë bërë më shumë përshtypje, duke iu referuar skenave virale të dushit që janë komentuar gjerësisht ditët e fundit në rrjet:
“Çifti i mundshëm tashmë ka fituar një fandom që bën tifo për lidhjen! Klodian & Londrim, përveçse ndajnë momente të lezetshme bashkë, ndajnë gjithashtu shtratin dhe madje edhe dushin…”
Ky postim dëshmon se fama e fituar nga Klodiani në formatin e Netflix vazhdon ta ndjekë atë, duke bërë që tani sytë e fansave latinë të jenë mbi edicionin e katërt të BBVK.
A është kjo fillimi i një “fame ndërkombëtare” për këtë dyshe? Mbetet për t’u parë!
