Reperi i njohur Stresi ka ndarë më në fund lajmin që të gjithë adhuruesit e hip-hopit prisnin.
Ai ka konfirmuar vetë se ka bashkuar forcat me MC Kreshën për një projekt të ri muzikor, i cili pritet të jetë një nga hitet më të dëgjuara.
Gjatë një lidhjeje telefonike pak ditë më parë për “Prive By Liberta Spahiu”, Stresi zbuloi ekskluzivisht këtë bashkëpunim, duke u shprehur mjaft entuziast.
Ai bëri të ditur se kënga është gati dhe do të jetë pjesë e albumit të tij të ri, të cilin reperi tashmë e ka përfunduar në çdo detaj.
Për të gjithë fansat e dyshes, pritja do të jetë shumë e shkurtër. Stresi ka paralajmëruar se ky projekt do të lansohet brenda pak ditësh, duke e bërë këtë dhjetor edhe më “të nxehtë” për industrinë muzikore shqiptare.
Bashkimi i dy emrave kaq peshë në skenën e repit tregon se albumi i ri i Stresit do të jetë një sukses i garantuar. Ky projekt vjen si një dëshmi e punës intensive të reperit, i cili ka zgjedhur pikërisht MC Kreshën për të sjellë diçka të veçantë për publikun. /Prive By Liberta Spahiu
@prive.libertaspahiu Labi tha se ia siguroi fitoren, flet Stresi: ‘Nuk të jep guri’. Fituesi i BBVK1 habit me emrin se kush duhet ta fitojë këtë edicion #bigbrothervip #bigbrothervipkosova #privebylibertaspahiu
