Banori më i ri i shtëpisë, Ludo Lee, i cili njihet për rrethin e tij të gjerë të shoqërisë me yjet më të mëdhenj të botës si Kim Kardashian, David dhe Victoria Beckham, ka ndarë sot një histori që ka lënë pa fjalë ndjekësit dhe banorët e tjerë.
Gjatë një bisede të sinqertë, Ludo ka rrëfyer marrëdhënien e tij të veçantë me idhullin e tij, aktorin hollivudian Leonardo DiCaprio.
Ai ka treguar se fillimet nuk kanë qenë aspak të lehta dhe se aktori i famshëm nuk e kishte qejf kur Ludo sillej si një “fanatik”. Ludo shpjegoi se çelësi i afrimit me DiCaprion ishte ndryshimi i sjelljes dhe humori.
“Unë kam idhull Leonardo DiCaprion më së shumti. Leonardo DiCaprio ka filluar të më dojë mua kur unë kam bërë shaka me të. Ai nuk më donte kur i rrija ngjitur… nuk më donte,” u shpreh ai.
Sipas tij, sapo ai filloi të mbante distancë dhe të tregonte respekt pa u dukur si një fans i rëndomtë, situata mori një kthesë 180 gradë.
Pjesa më befasuese e rrëfimit ishte kur Ludo Lee konfirmoi se fituesi i çmimit Oscar ka treguar interes të madh për punën e tij personale, madje duke i lexuar edhe librin.
“Kur e pa se unë e ndryshova lojën, nuk u bëra më fans i tij, por tregova respekt, krejt u ndryshua loja. Plus, edhe librin tim ma ka lexuar, pasha këtë ditë! Por ka qenë një proces,” përfundoi banori.
Ky rrëfim ka nxitur diskutime të shumta në rrjetet sociale, duke e pozicionuar Ludon si një nga personazhet më intrigues të këtij edicioni, falë lidhjeve të tij të pabesueshme me elitën e Hollivudit. /Prive By Liberta Spahiu
View this post on Instagram
