Ish-finalistja e “Big Brother VIP Kosova 1”, Juliana Nura, u bë kryefjala e mediave rozë pas një deklarate të bujshme në një intervistë.
Ajo pohoi se futbollisti me famë botërore, Cristiano Ronaldo, i kishte kërkuar numrin e telefonit. Kjo deklaratë u prit me skeptiçizëm dhe humor në rrjet, por reagimi më epik erdhi nga reperi Stresi.
Përmes një postimi në Instagram, Stresi ka publikuar një foto ku shihet Juli krah Labinotit banorit të “Big Brother VIP Kosova”.
Ironia qëndron te fakti se Labi, gjatë qëndrimit në shtëpinë e famshme, ka prerë flokët në modelin ikonik të Ronaldos së vjetër (fenomenit).
Me mbishkrimin “E zbuluam takimin e Julit me Ronaldon…”, shoqëruar me emoji duke qeshur me lot, Stresi ka ironizuar duke lënë të nënkuptohet se ndoshta Juli ka “ngatërruar” takimin me”Ronaldon”. /Prive By Liberta Spahiu
